Pas Kryeministrit Edi Rama, edhe ministrat kanë publikuar foto nga aeroplanmbajtësja amerikane e dislokuar në Adriatik.
Sot është zhvilluar stërvitja e NATO-s në ujërat shqiptare, ku marrin pjesë edhe Forcat tona Detare. Forcat amerikane ndërkohë kanë dërguar aeroplanmbajtësen amerikane “Harry S. Truman”.
Pak orë më parë, Kryeministri Rama postoi foto dhe video nga avionët ushtarakë.
Rama si “kapiten” kishte marrë me vete një pjesë të kabinetit të tij qeveritar.
“Kaluam disa orë me partnerët tanë të çmuar amerikanë në aeroplanmbajtësen amerikane ‘Harry S. Truman’. Krenarë për aleancën tonë në NATO dhe partneritetin strategjik me SHBA”, shkruan Peleshi në rrjetet sociale.
Ndërsa ministrja Spiropali shprehet: “Ditë e bukur sot në aeroplanmbajtësen ‘Harry S. Truman’, e cila po kryen një stërvitje intensive në detin Adriatik, së bashku me forcat e marinës shqiptare. Krenarë për aleancën tonë në NATO”.
Rama, në këtë stërvitje, ka marrë me vete ministrat Olta Xhaçka, Elisa Spiropali, Bledi Çuçi, Arben Ahmetaj, Niko Peleshi.
