PD-ja e Sali Berishës ka nisur një valë protestat. Protesta sa herë ka seancë plenare para Parlamentit dhe protesta kombëtare. Astrit Patozi, ish-drejtues i Bindja Demokratike, thotë se ai sheh më shumë një revoltë, sesa një valë revolucioni sipas pretendon Berisha.
Po ashtu Patozi thekson edhe se Berisha e përdor retorikën e fortë politikë për të karikuar të tillët, të acarojë situatën për të ndarë kampet.
“Unë shoh shenjat e një revolte, jo të një revolucioni. Unë jam kundër revolucionit edhe sikur të ishte gjëja e duhur sepse i përkas principeve të djathta që e përjashtojnë revolucionin. Unë mendoj se e vetmja rrugë për të ndërruar pushtet janë zgjedhjet. Ndaj nuk besoj në format e tjera të dhunshme të marrjes së pushtetit.
Unë mendoj se Berisha e përdor retorikën e fortë politikë për të karikuar të tillët, të acarojë situatën për të ndarë kampet. Është një taktikë e vjetër, është pjesë e shkollës së tij politike që ta ndajë Shqipërinë në dy pjesë, bardhë e zi. Nuk e ka gabim si strategji kur bëhet fjalë për një parti politike, por e ka gabim kur bëhet fjalë për gjithë shoqërinë. Nuk është ndonjë gjë e këndshme, e admirueshme, për pjesën tjetër të shoqërisë që kërkon rotacion pushteti”, tha Patozi në ”A2Cnn”.