Kryetari i PD-së, Lulzim Basha ka deklaruar sot se opozita do të organizojë protesta në të gjithë vendin, e njëherësh do të bëjë gati një program për sektorët më jetikë.
Në një prononcim për mediat në përfundim të mbledhjes së Kryesisë ai u shpreh se “Vendimi i pare i kryesise ka te beje me hartimin e nje kalendari pune protestash per te cilat kolegji i kryetareve dhe keshilli kombetar do te marre vendimin per te larguar Madorun e Ballkanit. Kryesia ka vendosur shpalosjen e programit te PD-se me te gjitha grupet e interesit/ do ti japim Shqiperise vizionin tone. Bashke me qytetaret do te marrim vendime per menyren se si do te drejtojme vendin, per te permiresuar gjendjen e kolapsuar te Shqiperise”.
***
Pas kthimit nga Vjena, kryetari i opozitës, Lulzim Basha i ka bërë thirrje strukturave që të mobilizohen, pasi sipas tij zgjedhjet janë mbrapa derës.
Këtë porosi Basha e ka thënë sot gjatë mbledhjes së Kryesisë së PD-së.
Mësohet se kreu i demokratëve ka ngritur një grup punë që do të këtë në fokus paraqitjen e alternatives së PD-së.
Sipas tij PD nuk ka më pse të harxhojë kohë, por ajo duhet të përgatit për zgjedhje.
“Të bëhet ndërthurja e protestës me shpalosjen e alternatives. Grupi i punës që do të ngrihet për arsimin e lartë, do të jetë për çdo fushe kryesore, për pensionet, për shëndetësinë, për investimet, etj. Të nisim punën, sepse mund të jemi me zgjedhjet mbrapa dere. Nuk kemi pse të harxhojmë asnjë minute”, tha Basha.
Sot gjatë mbledhjes së Kryesisë pritet të ngrihen shtabet e punës.