Është mbledhur sot me urgjencë Kryesia e Partisë Demokratike, Dega Bulqizë. Kryefjala e mbledhjes së jashtëzakonshme ishte “tradhëtia” e kandidatit Halil Jakimi që pranoi të hyjë në Parlament si deputet i këtij subjekti politik.
I deleguari Kreshnik Çollaku dhe anëtarë të tjerë të Kryesisë së PD-së kanë folur me tone të ashpra rreth aktit të Jakimit, duke e kritikuar atë se ka shkelur mbi idealet dhe votat e demokratëve të Bulqizës.
Drejtuesit lokal dhe i dërguari me shpejtësi në Bulqizë Çollaku deklaruan se Halil Jakimi nuk është më anëtar i Partisë Demokratike.
Deputeti më i ri i Qarkut të Dibrës ka qëndruar larg mediave këto ditë, duke mos pranuar të prononcohet rreth vendimit që ai ka marrë.