OMONIA dhe PD janë bërë bashkë për të fituar Bashkinë e Himarës në zgjedhjet lokale. Fredi Beleri, i cili është dhe kreu i OMONIA-s, ka nisur zyrtarisht fushatën elektorale.
OMONIA dhe PD janë bërë bashkë për të fituar Bashkinë e Himarës në zgjedhjet lokale.Fredi Beleri, i cili është dhe kreu i OMONIA-s, ka nisur zyrtarisht fushatën elektorale. Në foto, krah të tij është dhe Andrea Gjoni, i cili mban pozicionin e kryetarit të PD-së për Himarën. Fredi Beleri synon kandidimin për Kryetar Bashkie në Himarë, Por kreu aktual i OMONIA-s ka dhe një të kaluar problematike me ligjin.
Në tetor të 2003-shit Fredi Beleri u bë një prej protagonistëve të përplasjeve të dhunshme ne qendrën e votimit, në Himarë, ku pas dhunimit të simboleve kombëtare dhe thirrjeve anti-shqiptare, ai së bashku me katër persona të tjerë u dënua në mungesë me 3 vite burg. Dënimin nuk e kreu asnjëherë pasi u arratis në Greqi.
Por, emri Fredi Belerit lidhet dhe me një tjetër ngjarje të rrëndë, atë të vitit 1994, sulmit terrorist në repartin e fshatit Peshkëpi në Gjirokastër, ku mbetën të vrarë dy ushtarakë shqiptarë. Fredi Beleri kandidoi për kryetar bashkie edhe në vitin 2015 në Himarë në siglën e PBDNJ dhe me mbështetjen e opozitës së djathtë, por nuk arriti që të fitonte.