Sekretari i Përgjithshëm i PD-së, Gazment Bardhi ka reaguar në lidhje përgënjështrimin e delegatëve për konfirmimin e mbajtjes së 18 dhjetorit.
Deklarata e sekretarit të Përgjithshëm, Gazment Bardhi:
Valentina Muka njëherazi kryetare e lidhjes demokratike të Dibrës në degën e Dibrës. Zonja Valentina Muka nuk ka pranuar të jetë pjesë e Kuvendit dhe emri i saj nuk është lexuar. Kam kontaktuar me të personalisht dhe më tha se ishte keqinformuar nga persona të tjerë. Dua të konfirmoj se jo vetëm nuk është lexuar emri i saj prej meje por që ajo nuk ka firmosur për të qenë pjesë e Kuvendit.
Pjerin Marku, emri i tij nuk është lexuar, por emri i Pjetër Markut po i cili është delegat i Lezhës dhe jo i Shkodrës.
E njëjta gjë ka ndodhur me zotin Nikoll Marku është delegat nga qarku i Lezhës, nuk ka konfirmuar pjesëmarrjen e tij dhe emri i tij nuk është lexuar.
Sekretari funksional i degës së Pogradecit, Genti Çela nuk ka firmosur por ka qenë një tjetër Genti Çela një anëtar nga Tirana.
Zonja Myrvete Vata dhe zonja Myrvete Shema, këto janë formularët e nënshkruara prej tyre. Unë i mirëkuptoj se ata që ju kanë ushtruar presion vazhdojnë ende t’u ushtrojnë presion por unë u kërkoj që të mos lejojnë të përdoren. Është në të drejtën e tyre të vendosin por nuk mund të kryejnë veprën penale të shpifjes. Apeli im i fundit është për ata që po përdorin demokratët si mish për top: Ndaluni nuk mund t’i përdorni demokratët si mish për top duke i nxitur të kryejnë vepra penale. Procesi transparent që ne kemi ndjekur sot mund të ketë shkaktuar problematika dhe nervozizëm te i vetmi person që ka një hall personal. Mirëpo demokratët kanë një tjetër hall, keqqeverisjen e Edi Ramës.
Isha i detyruar të bëja këtë sqarim, mund të kisha bërë publike më shumë raste të cilat konfirmojnë se kanë nënshkruar pjesëmarrjen e tyre në Kuvendin e 18 dhjetorit.
Arnold Suap Cekimi i cili më ka kontaktuar i shqetësuar lidhur me lajmin e publikuar nga portali Syri.net. Ata kanë refuzuar retorikën përçarëse të cilën gjatë këtyre 3 muajve e ka përdorur fatkeqësisht.