Partia Demokratike ka vijuar akuzat për Valdrin Pjetrin, kryebashkiakun e ri të Shkodrës.
Gazment Bardhi tha sot se kryeministri Edi Rama ka marrë përgjigje zyrtare mbi implikimin e Pjetrit në trafik droge dhe se po e mbron.
“Rama po paraqitet me një heshtje prej fajtori. Ai promovon vrasës dhe përdhunues grash” – tha numri dy i PD-së.
Sipas tij, Pjetri e ka pranuar fajësinë para gjykatës italiane në vitin 2003 dhe është dënuar nga Gjykata e Firences.
Gazment Bardhi shtoi se Pjetri e ka falsifikuar formularin e dekriminalizimit duke fshehur ngjarjen.