Partia për Drejtësi, Integrim dhe Unitet (PDIU) do të garojë e vetme në zgjedhjet e ardhshme lokale që do të mbahen vitin e ardhshëm.
Deklarata u bë mbrëmjen e sotme në ‘ABC’ nga deputetja Mesila Doda e cila deklaroi se në këto zgjedhje duhet të jenë alternativa më e mirë për qytetarët.
“Këto zgjedhje kanë një veçanti. Koalicione nuk ka më, se janë hequr. Nuk ka asnjë mundësi të jesh në një koalicion dhe të jesh në lista të veçanta. PDIU do të garojë e vetme siç i takon në bazë të kodit elektoral. Ky është misioni ynë.
Kryetari i partisë mund të ketë takime të ndryshme, por kjo është vendimmarrje e jona. Ne jemi të detyruar të dalim me një listë që është lista e PDIU-së. Unë vazhdoj mendoj që në këto zgjedhje nuk duhet të jenë kandidatë përballë Edi Ramës, por alternativa më e mirë për qytetarët. Duhet të jenë persona që njohin problematik dhe këta duhet të jenë kandidatët”, u shpreh Doda.