Mjeku Pëllumb Pipero ka pranuar se në Shqipëri numri i personave që ndërrojnë jetë pasi futen në intubim, është më i lartë se në vendet e tjera.
I ftuar në “Opinion”, Pipero tha se në të gjithë botën intubimi shmanget, sepse aty njeriu përfundon kur i ezaurohet krejtësisht mushkëria.
Sipas Piperos, mundësia për të jetuar pasi futet në intubim një pacient, është shumë e vogël.
“Në intubim përqindja e vdekjeve është shumë e lartë. Ne e kemi më të lartë. Intubimi është një fazë ekstreme që ndërmerret nga mjeku për të shpëtuar jetën. Në të gjithë botën intubimi shmanget. Të jep pak shpresa për të jetuar. Kur intubohesh, mushkëria është ezauruar krejtësisht,”- tha Pipero.