Kryeministri Edi Rama postoi në rrjetin social edhe një video pak pas përurimit ku mori pjesë për urën e re në Kukës, ditën e sotme (4 Nëntor).
Kreu i qeverisë pati edhe një mesazh për “ata që shajnë”, duke i konsideruar si “syri i keq” dhe nxitur që të shajnë sa më shumë, sepse kështu “na shtoni inatin për punë”.
Rama iu referua kritikave dhe akuzave të “atyre që thonin se ura u ndryshk”.
Postimi i kryeministrit Rama në Facebook:
“Për hajër URA E MADHE E KUKËSIT.
Dhe një lutje e sinqertë për ata që thoshin ra ura, u ndryshk ura, u prish ura: Kur të kaloni mbi urë ta gëzoni po aman shani sa më shumë, se plas syri i keq dhe na shtoni inatin për punë”.