Shumica e njerëzve do të mendonin se nëse nuk është pamja fizike ajo që e bën një mashkull tejet joshës, atëherë padyshim se është sensi i humorit.
Por, studimet tregojnë se zemërgjerësia apo altruizmi është njëmenyre e meshkujve, pas së cilës femra joshet tej mase kur kërkojnë lidhje serioze.
Një studim i cili ishte publikuar në revistën “Evolutionary Psychology”, kishte prezantuar 202 femrave meshkuj të ndryshëm për t’i zgjedhur.
Nga meshkujt e prezantuar, femrat i kishin zgjedhur meshkujt joshës dhe egoistë për të bërë seks vetëm një natë. Megjithatë femrat që kanë qenë të interesuara për lidhje afatgjate kanë zgjedhur meshkujt zemërgjerë pavarësisht se a kanë qenë joshës apo jo.
Sidoqoftë, kjo nuk do të thotë se format e tjera nuk kanë rëndësi. Sensi i humorit është po ashtu i rëndësishëm për femrat kur e zgjedhin një mashkull, pasi që femrat e shohin një mashkull të tillë si më inteligjent.
Sensi i humorit është gjithashtu indikator i mirë i aktivitetit seksual.