Më 13 janar, një i ri shqiptar dhe një grek të akuzuar për përdhunimin dhe vrasjen e studentes Eleni Topaloudi do të përballen me gjykimin.
“Vendimi i Gjykatës Supreme për të transferuar gjyqin në Athinë po ecën në drejtimin e duhur dhe mbron kushtet për një gjykim të drejtë dhe objektiv,” i tha STAR avokati i të riut grek, Theodoros Mandas.
“Familja ndjehet e detyruar të shprehë edhe njëherë dhimbjen e saj për incidentin tragjik dhe t’i kërkojë falje publikisht familjes së viktimës,” tha Z. Mandas.
Teksa po bëhet një vit nga krimi makabër, ministri grek i Drejtësisë njoftoi se do të ndryshohet Kodi Penal për përdhunimin nga dy apo më shumë persona, duke i dënuar me burgim të përjetshëm.
Deri më tani, të akuzuarit i hedhin fajin njëri-tjetrit për vrasjen barbare të studentes.
Autoritetet janë duke pritur të shikojnë mesazhet e fundit të studentes në facebook për të analizuar enigmën nëse ajo e dinte se do të takohej edhe me të riun shqiptar.