U dënua për shpërdorim detyre, përfundon burgun Thoma Gëllçi, ish-drejtori i RTSH-së. Ai u dënua me 1 vit e 4 muaj burg për shpërdorim me tenderin 1 mln $ për RTSH Agro. Vendimi është marrë këtë të martë nga GjKKO, pasi u pranua kërkesa e avokatit Dorian Matlia për lirimin e tij për shkak se i kanë mbaruar afatet e denimit.
Një tender në Radio Televizionin Shqiptar i nënshkruar në nëntor të 2018-së për ‘RTSH Agro’, çoi në pranga ish-drejtorin e RTSH-së, Thoma Gëllçi dhe 3 zyrtarë të këtij televizioni. SPAK bëri arrestimin e tyre.
BëheJ fjalë për tenderin për blerjen e pajisjeve për kanalin RTSH Agro me vlerë 86. 908 550, 00 lekë (pa tvsh), afro 1 mln dollarë me TVSH. Zyrtarët e RTSH-së u arrestuan në fillim të muajit tetor, pas denoncimit që bënë kompanitë e skualifikuara në tender.