Mazhoranca dhe opozita u rikthyen sot në tryezë. Mbledhja e krerëve të grupeve parlamentare synoi sërish të vendosë bashkëpunim mes palëve, pas seancës parlamentare të javës së shkuar, ku PD tentoi bllokimin, por diçka e tillë nuk ndodhi.
Opozita ende nuk ka çuar për votim emrat për drejtimin e komisioneve parlamentare, ndërsa nga ana tjetër ka kërkuar shkarkimin e vetë Peleshit dhe ripërsëritjen e seancës për votëbesimin e qeverisë.
“Mazhoranca socialiste i kërkoi opozitës emrat e kryetarëve dhe nënkryetarëve për komisionet parlamentare. Nga ana tjetër, opozita nuk nxitohet për emrat e saj. Por me nxitim ka kërkuar mocion mosbesimi për qeverinë dhe shkarkimin e Niko Peleshit. Do të presim se cilat do të jenë kërkesat e reja të opozitës.”, raportoi ndër të tjera gazetari Andon Kello.