Përfundon proçesi i votimit të kandidatëve për deputet të Partisë Demokratike në Tiranë.
Votimi u mbajt gjatë ditës së sotme. Pas një procesi që zgjati afro 3 muaj, anëtarësia e Partisë Demokratike në kryeqytet u përball me emrat e propozuar dhe konfirmuar nga Komisioni i Vlerësimit të Kandidatëve në PD.
140 kandidatë garuan në 21 degët e qarkut të Tiranës për të qenë pjesë e listës me 35 emra që Partia Demokratike do të paraqesë për zgjedhjet e 25 prillit të vitit 2021.
Dega e Kamzës, e njohur edhe si bastion i Kamzës ka regjistruar një numër të vogël në këtë proçes, pasi vetëm 21.7% e anëtarëve të PD-së në këtë zonë kanë marrë pjesë në votim. E thënë ndryshe nga 4600 anëtarë me të drejtë vote kanë marrë pjesë rreth 1000 persona.