RROGOZHINË- Një aksident rrugor ka ndodhur në aksin Rrogozhinë-Peqin, ku si pasojë dy persona kanë mbetur të plagosur.
Sipas informacioneve policore, rreth orës 12:00, në aksin rrugor “Rrogozhinë-Peqin”, automjeti me drejtues shtetasin A. D., është përplasur me automjetin me drejtuese shtetasen D. O.
Si pasojë janë dëmtuar drejtuesja e automjetit shtetasja D. O., dhe pasagjeri në automjetin me drejtues shtetasin A. D., të cilët po marrin ndihmë mjekësore, në spitalin e Elbasanit, jashtë rrezikut për jetën. Policia po punon për zbardhjen e shkaqeve të aksidentit.