Është zbardhur ngjarja e rëndë në Durrës ku gjatë përplasjes me armë mes dy personave dhe pronarit të një dyqani për pjesë këmbimi u plagos një 36-vjeçar që ndodhej në biznes.
Dy të rinjtë me iniciale A. H., 30 vjeç dhe Xh. P., 33 vjeç, fillimisht janë konfliktuar fizikisht me 27-vjeçarin Albano Domi dhe më pas kanë qëlluar me pistoletë në drejtim të tij.
Gjithashtu edhe Albano Domi, i cili është pronari i dyqanit, iu është kundërpërgjigjur me armë zjarri pistoletë. Si pasojë e të shtënave është plagosur dhe është jashtë rrezikut për jetën, 36-vjeçari me iniciale E. D., që ndodhej në biznes kur ka ndodhur konflikti.
27-vjeçari është arrestuar nga policia, ndërsa është gjetur dhe sekuestuar në cilësinë e provës materiale, 1 armë zjarri pistoletë që dyshohet se është përdorur nga ky i fundit.
Ndërsa u bë shpallja në kërkim e shtetasve A. H., 30 vjeç dhe Xh. P., 33 vjeç, të dy banues në Durrës.