Në ditën e kremtimit të Pashkës, në Prishtinë përurohet Mitropolia e parë ortodokse shqiptare e Kosovës, në një ceremoni inaugurimi të drejtuar nga kryepeshkopi i parë i Kosovës, Nikollë Xhufka.
Hapja e Mitropolisë së parë ortodokse në Kosovë shënon një kapitull i ri për vendin dhe Kishën autoqefale shqiptare të Kosovës.
“Nga sot në këtë ditë të Pashkësh fillon një kapitull i ri për besimtarët ortodoks shqiptarë në Kosovë. Po ashtu për vetë Republikën e Kosovës është me rëndësi që ta ketë Kishën e vetë Ortodokse Autoqefale Shqiptare”, tha Nikollë Xhufka.
Kisha do të jetë e vendosur në lagjen Ulpiana në Prishtinë dhe peshkopi Xhufka tha se do të kërkojë që komuniteti shqiptar ortodoks të përfshihen në legjislacionin që rregullon pozitën juridike të bashkësive fetare.