Një efektiv policie është arrestuar ditën e sotme në Kosovë pasi ka ushtruar dhunë fizike mbi bashkëshorten e tij. Lajmi është bërë i ditur nga autoritete policore të Kosovës ku deklarojnë se për rastin në fjalë janë marrë masat e nevojëshme. Inspektoriati Policor i Kosovës e ka pezulluar efektivin në fjalë ndërsa gruaja e dhunuar është shoqëruar në spital për të marrë ndihmën e nevojshme mjeksore.
“IPK ka pranuar sot informacione nga Policia e Kosovës lidhur me dyshimin së një zyrtar policor në Pejë ka kryer veprën penale dhunë në familje e paraparë me nenin 248 të Kodit Penal të Republikës së Kosovës. Menjëherë pas pranimit të informacionit hetuesit e IPK-së i janë përgjigjur thirrjes duke intervistuar të dyshuarin (zyrtarin policor) si dhe viktimën e këtij rasti – bashkëshorten e tij të cilës i është ofruar edhe ndihma mjekësore. Pas disa veprimeve fillestare hetimore është konsultuar edhe prokurori kompetent dhe zyrtarit policor me vendim të prokurorit i është caktuar masa e ndalimit për 48 orë. Lidhur me rastin e njëjtë, si pjesë e procedurave administrative dhe hetimore, zyrtari policor është suspenduar.Hetuesit e IPK-së në koordinim të plotë me Prokurorinë do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast”, thuhet në njoftimin e IPK-së.