Luhatjet e kursit të këmbimit të monedhave te huaja po bëjnë që bizneset dhe individët t’i mbyllin para kohe një pjesë të kredive në euro duke i zëvendësuar në kredi në lekë.
Sipas të dhënave të Bankës së Shqipërisë gjatë 3 mujorit të fundit të 2023 janë mbyllur 90 kredi në euro me një shumë prej 4.6 miliardë lekë.
Shifër kjo e cila konstaton tre herë më e lartë se periudha paraardhëse sa i përket ndryshimit të monedhës së marrë hua.
Megjithatë sa i takon kërkesës për kredi nga biznese ato kanë qenë të luhatshme përafërsisht deri në 5% kjo për shkak të likuiditetit.
Sipas madhësisë së bizneseve huamarrja ka qenë kryesisht e bizneseve të vogla dhe të mëdha, dhe më pak i mesmi.
E ndarë sipas sektorëve vlera e kredisë ka shkuar më së shumti për sektorin e turizmit dhe shërbimeve ndërsa financimi për industrinë është tkurrur, i ndërtimit, bujqësisë duket se ka mbetur pothuajse në të njëjtat nivele paraardhëse.
Nga ana tjetër marrja e financimit nga ana e qytetarëve për blerjen e një banese është ngadalësuar gjatë kësaj periudhe.
Referuar të dhënave kredia për blerje banese rezultoi ne 10.1%, 3% më pak se periudha paraardhëse. Shkak për këtë janë bërë çmimet e larta të jetesës dhe shtrëngimi i buxhetit familjar. Nga ana tjetër kredia për konsum është rritur me norma të larta në 10.6%
Megjithatë sipas dokumentit pasja e një kredie në lekë është më favorizuese kjo për shkak se normat e interesit janë më të ulëta sesa për kreditë në euro.
Tjetër faktor është edhe se sistemi bankar të mundëson ndryshimin e monedhës së kredisë pa penalitete.