Kantautori dhe instrumentisti Ervin Gonxhi ka rrëfyer së fundmi një histori kur ka qenë i dehur në rininë e tij.
I ftuar në emisionin “Why not”, Gonxhi tregoi se si një natë e kishin tepruar jashtëzakonisht shumë me pijen, pasi kishin pirë disa shishe dhe kishin përfunduar duke ngrënë bukë në trotuar.
“Kjo që do të të tregoj është shumë e bukur. Mund ta dinë vetëm tre ose katër persona të afërt në jetën time. Ka qenë viti 2006 dhe kur pinim mbusheshe tavolina plot shishe në studio gjatë natës kur punonim dhe kompozonim. E kaluam shkeljen e pijes, nuk po dinim se çfarë po bënim më. Po na hahej bukë, shkojmë në Bllok, aty tek Libri Universitar është një grua që shet dhe u futëm dhe morëm pak bukë, djathë, sallam, domate.
Ishte korrik dhe kemi qenë me shapka me gisht dhe me kanatjere dhe me pantallona të shkurtëra. Ishte ora 5:40 e mëngjesit dhe ulemi në trotuar duke ngrënë bukë, ndërkohë që gjithë makinat dilnin nga diskotekat dhe clubet e Bllokut dhe thoshin o Vino çfarë po bëni, ne ishim spatë”, shprehet Ervini.