Sali Berisha mbajti këtë të hënë një konferencë me gazetarët, ku u pyet nëse do të merrte pjesë në protestën e planifikuar nga Partia e Lirsë përballë SPAK-ut më 6 dhjetor. Berisha tha se SPAK nuk është në axhendën e opozitës, por theksoi se PD mbështet çdo protestë kundër diktaturës. Për të fokusi i opozitës nuk duhet të jetë që të merret me SPAK-un, por me kryeministrin Edi Rama.
”SPAK nuk ka pse të jetë axhendë e opozitës, se opozita nuk duhet të merret me SPAK, por duhet të merret me Edi Ramën. Është shumë e drejtë që opozita të merret dhe po merret çdo ditë me Edi Ramën, por do të ishte fatale sikur opozita të injoronte SPAK-un, aktualisht prokurorinë politike të Edi Ramës. Nëse opozita injoron SPAK, opozita harron që është shndërruar sot në njërin nga institucionet më themelore të narkodiktaturës”,-tha Berisha.
Pak ditë më parë, në një letër dërguar partisë, Ilir Meta thotë se mosbindja civile është rruga e vetme për t’i dhënë Shqipërisë paqe politike dhe sociale dhe një zgjidhje politike që do të garantojë zgjedhje të lira dhe të ndershme. ”Është koha të vrapojmë fuqimisht për të vënë në jetë 5 Prioritetet tona madhore për 4 milion shqiptarë plus dhe të intensifikojmë aksionin tonë, derë më derë, në çdo lagje, në çdo fshat dhe në çdo qytet të Shqipërisë për të përshpejtuar”.