Gazetari Denis Dyrnjaja ka diskutuar në “Now” lidhur me plagosjen me thikë të ndodhur në një shkollë në Kamëz këtë 2 tetor, ku mbetën të plagosur dy të rinj të moshës 16 vjeç.
Sipas gazetarit fenomeni nis që tek prindërit të cilët shfaqin agrisivitet në mbledhjet me njëri-tjetrin, ku në thelb duhet të diskutohet për një paqe mes fëmijëve.
“Nuk besoj që janë vetëm këta, por po të bëhet një kontroll masiv në shkolla gjejmë shumë thika dhe mjete prerëse. Fenomeni është më shumë sesa një polic dhe punonjës social. Po ta bëjmë me polici, duhet që çdo nxënës të kishte një polic. Unë e kam parë vetë sesi prindërit janë më keq se fëmijët kur zhvillohen takimet me prindër. Janë shumë agresiv bëhet sherr, aty mungonin vetëm armët. Fëmijët janë pasqyrë e realitetit të shoqërisë. Janë dramatikisht më keq se fëmijët.
Prindërit nuk vinë nëpër takime për të dhënë një mesazh paqeje, por zihen me njëri tjetrin që fëmija im ka të drejtë apo jo për sherre të tilla. Ky është një degradim momental që do ndodhë prap nesër, dhe nuk ka kontroll sepse nuk ka ndërveprim. Mësuesit janë të falimentuar, janë klasat me mbi 30 nxënës. Janë personalitete të ndryshme që ndërtohen nga rrjetet sociale apo agrisiviteti familjar dhe shoqëror. Nuk ka mësim sepse adoleshentët në atë shkollë ndahen në dy grupe, disa që janë pasiv që nuk e duan sherrin dhe disa inkurajohen, e marrin si shembull për agrisivitet dhe për forcë.
Duhet familja të ndërhyjë. Paradoksi fillon tek ne, diskutojmë për njerëz që kemi 35 vjte që merremi dhe jo për këto shqetësime”, tha Dyrnjaja.