Policia e Tiranës ka dhënë detaje lidhur me ngjarjen e ndodhur pranë Rinasit, ku mbeti i plagosur me armë zjarri 26-vjeçari Fabjo Arifaj.
Në njoftimin zyrtar, policia sqaron se është shpallur në kërkim një 32-vjeçar, Grisjan Latifaj i cili dyshohet se ka qëlluar me armë zjarri 26-vjeçari, ky i fundit ndodhet në spital ku edhe po merr trajtim mjekësor.
Gjithashtu nga autoritetet është arrestuar vëllai i 32-vjeçarit, pasi në banesë iu gjetën dhe sekuestruan 1 armë zjarri pistoletë, municion, 2 radio policie dhe sende të tjera të kundërligjshme.
Ndërkohë vijon puna për identifikimin e shtetasve të tjerë të përfshirë në këtë ngjarje dhe për dokumentimin e plotë të rrethanave të saj.
Materialet procedurale i kaluan Prokurorisë, për veprime të mëtejshme.