Ka pasur një moment tensioni në Kuvend mes zv.kryeministrit Erion Braçe dhe deputetit Ralf Gjoni, me këtë të fundit që shkoi të zaptonte foltoren, ndërsa ishte duke folur Eduard Shalsi.
Për shkak të momenteve të tensionuara kryuesuesja e seancës Vasilika Hysi vendosi pushim për disa minuta, teksa po diskutohej lidhur me koorporatën e investimeve strategjike, e cila parashikon që qeveria tiu heqë të drejtën e pronës qytetarëve, për interesa strategjike të biznesmenëve të
Pavarësisht se nuk kishte mikrofon Braçe dëgjoihej duke i bërtitur Gjonit me fjalët ‘’çfarë të kam vjedhur unë ty, ç’a të kam vjedhur unë ty?!”.
Gjoni, i cili pretendon se ka në dorë frerët e opozitës parlamentare, e ka shtuar ndjeshëm tonin e zërit në Kuvend, teksa akuzon qeverinë e Edi Ramës që po rrjep shqiptarët.
Pas rifillimit të seancës, Gjoni kërkoi nga Ruçi që të merreshin masa në drejtim të Braçes, që sipas tij kishte përdorur mimika fyese, po kjo nuk u mor parashysh nga kryeparlamentari.
“I nderuar kryetar unë jam në të drejtën time si deputet që të përfaqësoj qytearët e Tiranës, kam të drejtën time që ti vë epitetin mafioze çdo iniciative të qeverisë që mendoj se rëndon në xhepat e qytetarëve. Nga zëvendëskryeministri ka pasur mimika fyese në drejtimin tim. Është e pafalshme që qeveria të sillet në këtë mënyrë me Kuvendin, zoti kryetar është në dinjitetin tuaj që të merren masa për këtë situatë”, tha Gjoni pas rifillimit të seancës.