Gazetari Artan Hoxha jep detaje për hetimet në kuadër të operacionit të koduar “Plumbi i artë” i kryer në 19 maj 2022, dhe thotë se çështja ka shkuar për gjykim.
Në emisionin “Bilardo”, ai deklaroi se interesante është pjesa e emrave që u veçuan dhe nuk dolën në gjykim dhe se ndarja është bërë tek një grup personash që janë shumë të rëndësishëm.
Në 19 maj 2022 Ervis Martinaj ishte gjallë, dihej që ishte gjallë, në 9 gusht humbi çdo gjurmë dhe sot ka dy hetime për të, një që e bën prokuroria e Kurbinit dhe një që e bën SPAK.
Dhe në rastin konkret emri i tij është veçuar. Po ashtu dhe Suel Çela, të cilin SPAK e akuzonte për dy ngjarje, ndaj pronarit të kolegjit Willson dhe një biznesmeni në Elbasan, për të cilën u arrestua Nuredin Duman.
Nuk është nën hetim Florenc Çapja, Kamber Kamani. Por pjesa më e madhe e tyre janë të pa ekstradueshëm, janë në Dubai, në momentin që foli Dumani.
Njëri nga personat në kërkim u dorëzua, Bengazi, është futur te 20.
Në këtë moment kjo është çështja e parë me bashkëpunëtorin e parë Nuredin Dumani, 20 në proces, 11 janë shpallur në kërkim, mes tyre dhe Ervis Martinaj që nuk e di se ku e kërkojnë.
Interesant është fakti se tek personat e shpallur në kërkim është Skerdi Tase, një tjetër bashkëpunëtor i drejtësisë.
Kjo është dosja e parë që ka SPAK në gjykim, edhe për organizata kriminale të përfshira në proceset zgjedhore.
Talo Çela është lënë te personat që nuk janë arrestuar dhe nuk dihet për të.
Ndërsa për dy operacionet “Tempulli 1” dhe “Tempulli 2” tha se nuk ka ngelur fshat që nuk ka të arrestuar për shpërndarje droge.