Ngjarja tronditëse e 15-vjeçares së përdhunuar nga roja e shkollës ka sjellë reagime të shumta. Ditën e djeshme, qendrimi pro i Iris Luarasit për kastrimin e pedofilëve bëri xhiron e rrjetit.
Marina Vjollca, në postimin e fundit ka publikuar imazhin përfaqësues të protestës që do të mbahet nesër, më 4 qershor. Nën slloganin “Për fëmijërinë e vjedhur”, Marina ka ndarë disa fjalë. “Dënim maksimal për përdhunuesit! Po na i vrasin vajzat për së gjalli…”, ka shkruar moderatorja.
Ndërsa ndjekësit kanë rënë në të njejtin mendim me Marinën, në një ndër komentet lexohet: “Ata meritojnë dënim me vdekje, Zoti i vraftë!” Moderatorja është përgjigjur: “Njësoj mendoj”, duke përforcuar edhe më shumë qendrimin e saj mbi dënimet ekstreme për abuzuesit.
Për rastin e 15-vjeçares janë zbuluar nga dita në ditë detaje dhe fakte të reja tronditëse, ndërsa abuzuesi dhe bashkëpunëtorët e tij janë nën arrest.
