“A po punon Edi Rama për realizimin e kësaj ëndrre, për t’u bërë President i Shqipërisë së Madhe?”, ka qenë pyetja që Arian Çani i ka shtruar në studio Arjan Currit dhe Berat Buzhalës.
“Jo në rrafshin personal. Mendoj se ai nuk e ka ambicie personale që ta shikoj veten si President sepse është jashtëzakonisht jashtë realitetit”, u shpreh Buzhala.
Por i ndryshëm ka qenë opinioni i Arjan Currit mbi këtë pyetje, duke thënë se Edi Rama po punon për t’u bërë President i Shqipërisë së Madhe, por afati kohor e pengon.
“Po, po punon. Ai është aq i marrë në kuptimin politik të fjalës që të ketë ambicie për President. Por fakti kohor, e bën të mendoj se nuk do t’ia arrijë asaj dite. Por thellë do e dëshironte dhe po punon…. Mbas Metës, e ke Ramën President të Republikës së Shqipërisë. Shqiptarët e Kosovës e kanë parë me sy pozitiv faktin se Edi Rama bëri dy ministra kosovarë në qeveri dhe mund t’i jetë rritur popullariteti. Kosova i ka dashur më shumë se sa ne liderat e Shqipërisë. Që nga Enver Hoxha e deri tek Edi Rama, liderat tanë janë dashur më shumë në Kosovë se sa në Shqipëri. Edhe Haradinaj, po të bëhet sondazh, do dali më lartë në Shqipëri se sa në Kosovë”, u shpreh Curri.