Në një kohë që lajmet për Covid-19 janë rikthyer, Organizata Botërore e Shëndetësisë (OBSH) thotë se nuk ka statistika për vdekjet e shkaktuara nga Covid-19 në të gjithë botën.
“Ajo që nuk mund të bëjmë tani është t’ju japim një statistikë të saktë se sa vdekje po ndodhin në të vërtetë nga Covid-19”, tha dje ekspertja e koronavirusit e OBSH-së, Maria Van Kerkhove.
“Që kur OBSH shpalli urgjencën globale të koronavirusit mbi tre muaj më parë, infeksionet dhe vdekjet e reja kanë vazhduar të bien”, sipas shefit të OBSH-së Tedros Adhanom Ghebreyesus.
Situata e të dhënave është përkeqësuar gjithashtu. Në korrik, veç një e katërta e të gjitha vendeve i raportuan OBSH-së shifrat e vdekjeve. Tedros paralajmëroi se është e rëndësishme të mbahet nën vëzhgim të kujdesshëm situata, jo vetëm për shkak të mutacioneve të reja në koronavirus.