Drejtori i Policisë Shtetit, Ilir Proda thotë se Shqipëria ka arritur të bëhet një vend më i sigurt për vizitorët dhe turistët. Ai u ndal te marrëdhënia me qytetarët, ku tha se kjo filozofi ka dhënë dhe po jep efekte pozitive në rritjen e sigurisë.
Pjesë nga fjala
Policimi në komunitet përbëhet nga tri elemente kryesore:
-Policia e Shtetit ka bashkëpunuar dhe bashkëpunon me shkollat, pushtetin vendor, grupet vullnetare për të adresuar çështjet e komunitetit për zgjidhje.
-Elementi i dytë është zgjidhja proaktive e problemeve. Punonjësit me ndihmën e qytetarëve identifikojnë dhe zgjidhin në kohë problematikat. Kjo duke parandaluar përshkallëzimin e tyre në vend që të marrin një qasje reaguese dhe t’i përgjigjen krimit.
-Elementi i tretë është ndryshimi organizativ. Policimi në komunitet varet nga gatishmëria e Policisë për të krijuar struktura efikase. Kjo duke përzgjedhur punonjës me integritet sa më të lartë. Qasja pozitive e tyre në komunitet dhe menaxhimi profesional i këtyre strukturave.
Krijimi i besimit ka inkurajuar më shumë qytetarë që të raportojnë krimin dhe të iniciojë një nivel më të madh komunikimi ndërmjet Policisë dhe qytetarëve.
Këshillat Vendorë të Sigurisë Publike janë një tjetër qasje për zgjidhjen efikase të problemeve dhe shqetësimeve të adresuara nga qytetarët.