Këshilli i Bashkisë së Matit miratoi këtë të premte Buxhetin e vitit 2019, duke ia dale te ngrihet mbi ndasite partiake dhe te veproje ne funksion te qytetareve.
Diskutimet mbi projekt-buxhetin kishin nisur që në fund të vitit të kaluar, por vetëm sot u arrit një konsensus për ta miratuar.
Parashikimet për buxhetin e këtij viti nga ana e Bashkisë Mat shkojnë në vlerën e 411 milion lekëve të rinj përfshirë këtu grantin e akorduar nga qeveria dhe planifikimin e të ardhurave vendore.
Por fillimisht këshilli miratoi paketën fiskale ku nga Komisioni i ekonomi-financës pranë këshillit bashkiak, u propozuan lehtësira për shtresat në nevojë dhe zonat e thella malore. Paketa fiskale mori 17 votat e anëtarëve të pranishëm në këtë mbledhje.
Bashkia e Matit do të ketë këtë vit 446 punonjës përfshirë këtu edhe funksionet e deleguara.
Në këtë numër total, 20 prej tyre do të jenë punonjës me kontratë ku përfshihet brigade e prodhimit të druve të zjarrit dhe tre specialist për shtrimin e pllakave në qendër të qytetit.
Nga diskutimet për buxhetin doli në pah vlera e vogël e lënë për investime.
Nga shuma totale, vetëm 8% e fondit do të shkojë për investime ndërsa pjesa tjetër për shërbime dhe paga.
Megjithatë, projekti i propozuar në Këshillin Bashkiak mori 16 vota pro dhe vetëm 1 kundër, duke bërë bashkë kështu të djathtë e të majtë.
Ne krye te bashkise se Matit eshte nje perfaqesues i Partise Demokratike, por kjo nuk i ka penguar keshilltaret e PS dhe aleateve te saj te jape voten per buxhetin e ketij viti.