Jemi zyrtarisht në muajin e pranverës dhe kjo përkthehet ndryshe në ndërrim të garderobës. Më në fund kemi mundësinë që të heqim palltot, xhupat dhe xhaketat e trasha për të përqafuar veshjet e lehta dhe plot ngjyra. Stilistët kanë bërë gjithçka gati për një pranverë të mbushur plot stil. E rëndësishme gjithashtu që gaderoba jonë të jetë në koherencë edhe me trendet më të fundit për këtë sezon. Por cilat janë pikërisht këto trende që në duhet t’i kemi me patjetër dhe nuk duhet të mungojnë në garderobën tonë të pranverës 2019?
Sot në emisionin ‘Fun Day’ me moderatoren Fatma Methasani janë preznatuar tendencat që do të dominojnë gjatë sezonit të pranverës:
Po pyesni se cila do të jetë ngjyra që dë të dominojë dhe do të jetë kryefjala e modës për sezonin e pranverës? Stilitët të gjithë një zëri po thonë: e verdha!
Veshjet si të ngjyrosura me bojë
Ky do të jetë trendi që do të dominojë së shumti këtë vit dhe një ndër trended e reja. Veshjet të ngjyrosura me bojë i përkasin viteve 60, por në 2019 ëhtë rikthyer sërish, por në një mënyrë më moderne. Ky lloj trendi do të jetë shumë i përshtatshëm për sezonin e ngrohtë të pranverës dhe të verës duke i dhënë pamjes suaj një freski romantike.
Ngjyrat neon
Duket se do dominojnë fuqishëm edhe këtë sezon. Gjatë prezantimit të koleksioneve të reja për 2019 të gjithë stilistët kishin rënë dakord për ngjyrat neon duke na paralajmruar edhe njëherë se do të jetë një trend shumë IN edhe në 2019.
Transparetja është një tjetër stil i guximshëm, që stilistët e këshillojnë për verën e 2019.
Risia më elegante e sezonit te pranverës është ngjyra bezhë në nuancat dhe kombinimet e saj të ndryshme. Për ju që doni të qëndroni më minimalist në stil atëherë tilitët kanë menduar për ju dhe kanë rikthyer në trend ngjyrat e tokës për një look shum natyral.
Do të vijojnë të dominojnë edhe këtë sezon pantallonat e shkurtra deri tek gjuri, të quajtura ndryshe pantallonat e shkurtra të çiklizmit, për të sjellë një tendencë sa sport aq edhe chik, të kombinuara jo vetëm me atlete por shumë mirë edhe me taka.
Ky sezon do të jetë edhe i trendit polka dots. Sezoni pranverë-verë 2019 e rikthen sërish këtë print dhe nuk do të habiteshim aspak nëse të gjithë do të “infektoheshim” nga ethet e pikave. / intv /