Ka habitur deklarata e Bernd Boschardt, ambasadorit të OSBE në Tiranë. Pas një takimi me studentët e Universitetit të Shkodrës, “Luigj Gurakuqi”, zyrtari i huaj ka folur për një tentativë për dialog mes pozitës dhe opozitës.
“Po tentojmë në çdo formë që të ketë bisedime. Duam që të gjithë faktorët politikë të marrin pjesë në zgjedhje. Është e pamundur për mua që të shikoj të ardhmen se çfarë mund të ndodh në Shqipëri. Të gjitha partitë kanë patur përfaqësues në KQZ dhe i kanë njohur zgjedhjet e vitit 2017”, ka thënë Boschardt.
Ai është i pari zyrtar që flet për perpjekje për dialog mes palëve në një kohë që opozitës ka djegur mandatet dhe vijon protestat deri në largimin e Edi Ramës dhe zgjedhje të parakohshme. Edi Rama nga ana tjetër ka thënë se dialog mund të ketë vetëm për reformën zgjedhore.