Pas Spanjës, edhe Emiratet e Bashkuara Arabe kanë hequr vizat për shtetasit nga Kosova. Lajmin e jep Presidentja Vjosa Osmani, e cila thotë se është nënshkruar edhe marrëveshja me presidentin e Emirateve, Sheikh Mohamed bin Zayed Al Nahyan thotë se është nënshkruar edhe marrëveshja.
“Falënderoj Presidentin e Emirateve të Bashkuara Arabe, Mohamed Bin Zayed për pranimin e propozimit tim për heqjen e vizave për qytetarët e Kosovës. Marrëveshja e arritur gjatë takimit tonë muajin e kaluar tashmë është nënshkruar, duke hapur rrugën për më shumë mundësi bashkëpunimi midis vendeve dhe qytetarëve tanë”, ka shkruar Osmani në platformën X.
Nga 1 janari i këtij viti, qytetarët nga Kosova kanë mundësinë për të udhëtuar pa viza në vendet e Bashkimit Europian. Prishtina zyrtare ishte vendi i fundit në Ballkan që iu liberalizuan vizat. Spanja një shtet që nuk e ka njohur Kosovën, ka njoftuar se vendimi për udhëtim pa viza aplikohet dhe për Madridin.