Princesha e Uellsit, Kate, ka përcjellë një mesazh mbështetjeje për të gjithë ata që po përballen me kancerin, duke theksuar se “nuk janë vetëm”, me rastin e Ditës Botërore kundër Kancerit.
Në një mesazh të regjistruar në video, ajo e përshkroi sëmundjen si një rrugëtim që përfshin momente frike dhe rraskapitjeje, por edhe momente force, mirësie dhe lidhjeje të thellë njerëzore.
“Me rastin e Ditës Botërore kundër Kancerit, mendimet e mia janë me të gjithë ata që përballen me një diagnozë kanceri, janë në trajtim ose përpiqen të gjejnë rrugën drejt shërimit”, u shpreh ajo. Sipas saj, kanceri prek jetë të panumërta, jo vetëm të pacientëve, por edhe të familjarëve, miqve dhe kujdestarëve që qëndrojnë pranë tyre.
Princesha e Uellsit theksoi se “ka momente frike dhe lodhjeje, por ka edhe momente force, mirësie dhe lidhjeje të thellë”, duke shtuar se kjo ditë shërben si një kujtesë për rëndësinë e kujdesit, mirëkuptimit dhe shpresës.
Duke e mbyllur mesazhin e saj, ajo u drejtua me fjalë inkurajuese të gjithë atyre që po kalojnë këtë betejë: “Ta dini se nuk jeni vetëm”.