Mërgim Mavraj është një nga lojtarët kryesorë të prapavijës së Grojther Fyrth teksa me eksperiencën e tij kërkon të ndihmojë ekipin drejt objektivit për t’u rikthyer në elitë.
Mbrojtësi në këtë sezon është aktivizuar në 16 ndeshje, por në sfidën e sotme ku të tijtë triumfuan me rezultatin 4-1 ndaj Vurzburger Kikers, Mavraj është dëmtuar. 34-vjeçari, e kishte nisur takimin si titullar, por nuk ia doli të zbriste në fushë për pjesën e dytë, ndërsa duket se bëhet fjalë për një problem muskulor.
Tashmë, mbetet për t’u pritur se çfarë do të përcaktojnë testet mjekësore dhe në këtë formë Mavraj të mësojë kohën e rikuperimit për të qenë sërish i gatshëm për Furthin në Bundesliga 2.