Nga Pogradeci, kryeministri Edi Rama, duke folur për synimin e qeverisë për rritjen e pagave, deklaroi se në vitin 2025 paga minimale do të jetë 45 mijë lekë.
“Në prill 25 do të jemi në 45 mijë lekë dhe nuk do ta mbyllim detyrën pa e çuar në 60 mijë lekë dhe pa e çuar pagën mesatare në 950 euro. Të ardhurat për frymë do t’i çojmë patjetër në 10 mijë euro. Nuk jemi akoma aty ku duhet”, tha Rama, ndërsa shtoi se “do të vazhdojmë të mos lëmë rast pa i shpërblyer pensionistët”.
Rama bëri me dije se ka në ‘tryezë’ një projekt me vlerë 15 milionë euro në zonën e Drilonit dhe një projekt për shëtitoren buzë liqenit të Pogradecit.
Për realizimin e këtyre projekteve, kryeministri kërkon votën e qytetarëve në favor të kandidatit të tij për Pogradecin, Ilir Xhagolli.