Deputetja e Partisë së Lirisë, Erisa Xhixho nga kryesia e Kuvendit, ngriti shqetësimet në lidhje për projektbuxhetin e vitit 2014. Ajo tha se nuk parashikohet asnjë paketë mbështetëse për kategoritë në nevojë.
”Me aktin e ri normativ, qeveria ka vendosur të injorojë mijëra familje të varfra që përballen me dyfishimin e çmimeve. Asnjë paketë mbështetëse për asnjë prej kategorive në nevojë.
Akti normativ i qeverisë Rama nuk parashikon rritje të pagave, por parashikon ulje të fondit të pensioneve, pasi prioritet për qeverinë mbetet rritja e fondeve operative për shpenzime luksi si dhe shpenzimet kapitale. Ndërsa nuk ngurron të shkurtojë investimet në strehim, arsim dhe shëndetësi, qeveria ndan mënjanë 2 milionë euro për investimet në godinat e veta”,-tha Xhixho.