Pronari i servisit në Elbasan ku dyshohet se është modifikuar fugoni me mbishkrimin “Hetimi Tatimor”, duke folur për gazetaren e News 24, Klodiana Lala thotë se servisin e kishte lënë me qira, por nuk kishte kontratë noteriale, pasi servisi është në proces legalizimi.
Në një bisedë telefonike me Gentian Sharrë, pronarin e servisit “Genti”, që ndodhet në rrugën e vjetër Elbasan-Rrethrrotulimi i Bradasheshit, Sharra ka konfirmuar se servisin ia kishte dhënë me qira shtetasit Eldi Çala.
Lexo edhe- Grabitja e Rinasit, kush janë katër të ndaluarit
“Nuk kisha kontratë noteriale me të sepse është në porces legalizimi. Nuk kam dijeni për aktivitetin e paligjshëm që është kryer në këtë servis”,- ka thënë ai.
Ky servis, siç tha gazetarja Lala është i kyçur tashmë dhe konsiderohet provë materiale për prokurorinë dhe policinë.