Kryeministri Edi Rama i ka bërë thirrje Maqedonisë së Veriut që të pranojë propozimin e presidencës franceze për zgjidhjen e konfliktit me Bullgarinë.
Në një postim në “Twitter”, bashkëngjitur fotos ku shfaqet krah presidentit Macron, shefi i qeverisë nënvizon se propozimi përfundimtar do t’i hapte rrugë nisjes së negociatave për anëtarësimin në Bashkimin Evropian për Tiranën dhe Shkupin.
“Propozimi i fundit francez, i cili është edhe përfundimtari, i jep Maqedonisë së Veriut mundësinë e një pranimi pa rezervë dhe hap rrugën e nisjes zyrtare të negociatave për anëtarësimin e të dy vendeve në Bashkimin Europian! Vëllezërve maqedonas&shqiptarë në MV u them: Pranojeni!”, shkruan Rama.