Qindra qytetarë do t’i bashkohen sot protestës së thirrur nga Partia Demokratike, e cila do të zhvillohet pasditen e kësaj të enjteje para Kryeministrisë.
Mbështetësit e opozitës janë nisur tashmë nga rrethet.
Sipas kryetarëve të degëve të PD në Mat, Bulqizë e Dibër, në total nga ky qark do të jenë pjesë e protestës rreth 2000 qytetarë.
Nga Berati janë nisur gjithashtu drejt kryeqytetit qindra demokratë. Organizimi dhe grumbullimi i tyre u bë nga të gjitha strukturat e degëve të Partisë Demokratike.
Vetëm nga qyteti i Kukësit dhe zonat përreth janë nisur rreth 2000 anëtarë, simpatizantë dhe qytetarë me autobus dhe makina private.
Sakaq, në Elbasan janë vendosur në dispozicion 20 autobusë për të gjithë ata qytetarë që duan të marrin pjesë në protestë.