Psikologët shqiptarë bëhen bashkë, për të ndihmuar
Psikologët e vendit janë bërë bashkë, në këtë situatë të vështirë që po kalon vendi ynë, por edhe bota, ku qytetarët janë detyruar që të izolohen për shkak të koronavirusit të ri COVID-19.
Psikologët do të ndihmojnë do qytetar që ka nevojë, me këshillim falas, do ditë nga ora 10:00-12:00
Njoftimi i plotë:
Covid-19
NISMA: PSIKOLOGËT SHQIPTARË ONLINE
Shërbim pa pagesë
Nismës për konsultime psikologjike online PA PAGESË, i janë pergjigjur më shumë se 80 psikologë të Urdhrit të Psikologut. Kolegët me disa vite eksperiencë në profesion nga e gjithë Shqipëria, do të ofrojnë nga SOT, shërbim psikologjik për cdo qytetar, që shfaq gjendje të ngarkuar emocionale gjatë këtyre ditëve.
Shërbimi do të ofrohet në dy fasha oraresh gjatë ditës: 10.00 -12.00 dhe 17.00 – 19.00 nga e hëna në të shtunë deri në dt.20.04.2020. (Në rast nevoje kjo periudhë do të shtyhet).
Miq, ndani me ne frikërat, pasiguritë, ankthin dhe vështirësitë emocionale për të përballuar situatën.
Jemi këtu për të qenë pranë secilit prej Jush që ka nevojë për ndihmën tonë, për t’ju mbështetur, motivuar dhe shtuar optimizmin se së bashku do ja dalim!
Valbona Treska
Presidente
Urdhri I Psikologut