Këmbësorët në Berat thonë se janë të rrezikuar sa herë që kalojnë rrugët për shkak të mungesës së vijave të bardha apo semaforëve. Nga ana tjetër, mungesa e sinjalistikës dhe një unaze krijon trafik në qytetin muze.
Mungesa e vijave të bardha dhe semaforëve po rrezikon jetën e banorëve të Beratit. Qytetarët thonë se mungesa e sinjalistikës orientuese është kthyer në një shqetësim të përditshëm për ta si dhe është shndërruar në burim aksidentesh.
Nga ana tjetër këto problematika krijojnë trafik të rënduar, kjo edhe për shkak të mungesës së një unaze që do të shmangte hyrjen në qytet të të gjitha mjeteve
Burime në Policinë e Qarkullimit Rrugor në Berat thonë se ndër vite janë hartuar disa projekte për vendosjen e sinjalistikës dhe semaforëve, por që nuk janë financuar kurrë.