Radhë të gjata automjetesh janë regjistruar të enjten në hyrje në pikën e kalimit kufitar të Qafë-Thanës.
Fluksi është aq i madh sa drejtuesit e mjeteve po presin për minuta të tëra për të kaluar në anën tjetër të kufirit edhe në kushtet kur po punohet me 5 sportele në hyrje dhe shpesh herë kontrolli i përbashkët bëhet me procedurë të përshpejtuar.
Gjithë ky fluks ka ardhur për shkak se shumë shqiptarë të Maqedonisë së Veriut dhe jo vetëm kërkojnë të kalojnë ditët e fundjavës në Shqipëri
Burime zyrtare pranë stacionit policor kufitar në Qafë Thanë, thanë se palët po diskutojnë për të punuar deri në normalizimin e situatës me procedurë të përshpejtuar.