Pas daljes nga ambientet e SPAK, kryetari i Bashkisë Kamzës, Rakip Suli i ka konsideruar shpifje akuzat që janë ngritur ndaj tij.
“Për mua janë shpifje dhe nuk përbaltet puna titanike e Bashkisë Kamëz. Qëllimi ishte sot për të bërë transparencë për çdo qindarkë që investohet bëhet për banorët e Bashkisë së Kamzës. Ata më votuan dhe më besuan më 14 maj. Ky ishte qëllimi i ardhjes time sot, me dëshirën time”, ka thënë ai.
Kujtojmë se Rakip Suli është thirrur për herë të tretë në SPAK. Prokuroria e Posaçme po kryen hetime ndaj Rakip Sulit dhe zyrtarëve të tjerë për disa vepra penale, duke nisur nga “Shperdorimi i detyres”, “Shkelja e barazisë në tendera dhe korrupsionit”.