Kryesocialisti Edi Rama ka prezantuar programin për infrastrukturën dhe lehtësimin që do të vijë si rrjedhojë e ndërtimit të ”Qendrës së Monitorimit të Trafikut”. Sipas tij të gjithë drejtuesve do u vijë gjoba në telefonin e tyre, e shoqëruar dhe me fytyrën e secilit. Ttheksoi se kamerat e vendosura nga investimi i ri, do të heqin nga akset kombëtare policët që rrinë në rrugë.
”Edhe një gjë tjetër me atë qendrën e monitorimit të trafikut, sepse ajo është pjesë e gjithë kësaj. Përsëri është e paplotë. Qendra e Monitorimit të Trafikut është gati dhe po bëhet një punë për të trajnuar stafin.
Do lidhet me projektin që ne kemi nënshkruar me Emiratet e Bashkuara. Kjo për të pasur gjithë territorin, spitalet, shkollat, institucionet publike dhe akset kombëtare në një sistem kamerash inteligjente. Kjo qasje do të shohë gjithë Shqipërinë në kohë reale.
Sistemi është i tillë dhe do sinjalizojë këtu për një rritje shpejtësie, do sinjalizohet këtu, nuk do ketë më policë në rrugë. Punonjësit e policisë do jenë të organizuar në një mënyrë tjetër. Sistemi i kontrollit në kohë reale të shpejtësisë do bëjë që gjobat të jenë të menjëhershme dhe ajo që po bëjmë ne është që gjoba të vijë në telefonin tënd në një kohë reale”,-tha Rama.