Kreu i Partisë Demokratike, Lulzim Basha ka komentuar situatën shëndetësore në të cilën ndodhet vendi, pas shpërthimit të pandemisë së COVID-19.
Basha shprehet se menaxhimi i pandemisë në vend ka dalë jashtë kontrollit, ndërsa mjekët janë të lodhur dhe spitalet të tejmbushura.
Basha: Pandemia jashtë kontrollit. Mjekët të lodhur, të pambrojtur, të mbingarkuar. Spitalet të tejmbushura.
Testimet janë më të ulëtat në Europë. Kjo është përgjegjësi e qeverisë. Përgjigjja e testimeve vjen aq vonë sa pacientët ose janë shëruar, ose kanë ndërruar jetë. Edi Rama është përgjegjës për çdo humbje jete.
Nëse Edi Rama do të zbatonte planin tonë me 5 pika të 29 shtatorit, 2500 testime në ditë, fonde për shëndetësinë, rimbursimin e mjekimit ambulator, gjendja do të ishte shumë më e mirë.
Edhe sa shqiptarë duhet të vdesin para se Rama të ndalojë aferat e ndryshme?
Shifrat tona zyrtare nuk janë të sakta edhe sepse testimet janë të ulëta. Nuk na ndihmoi fasada, propaganda dhe fshehja e shifrave. Edhe sa shqiptarë duhet të vdesin që të kemi një numër testimet që të paktën brenda 24 orëve të diagnostifikohet dhe nisë trajtimi për të një të sëmurë.