Kryeministri Edi Rama, në asamblenë e zgjeruar të PS në Pogradec, u shpreh se Shqipëria ka regjistruar një numër të lartë turistësh edhe gjatë këtij muaji.
Rama tha se tashmë Shqipëria është ngritur në një nivel tjetër dhe se tanimë është një destinacion turistik.
“Sa shumë hapa përpara kemi bëjmë, por edhe për të kuptuar që është fryt i një pune të përbashkët. Ka shumë më tepër për të bërë. Kjo që po them rezonon në të gjithë territorin e Shqipërisë. Ishte një vit, apo është akoma një vit sepse vazhdojmë të kemi një numër mbresëlënës turistësh. Kjo tregoi që Shqipëria është ngritur në një nivel tjetër, Shqipëria është një destinacion turistik sepse e gjithë bota na shikon kështu. Fakti që pas sezonit veror, kemi numër inkurajues turistësh, duhet të na japë shumë kurajo në vitet e ardhshme pasi ka lindur një industri e re e mirëfilltë. Do duhj të imagjinohej që në vitin 2023, do arrinim që pa ardhur akoma nëntori dhe dhjetori të kishim 9 milionë turistë. Fakti që turistët ikin me përshtypjet më të mira, duhet të na bëjnë të mendojnë që të tjerë do na kthehen edhe më të shumtë në rritje”, u shpreh kreu i qeverisë.