Kryeministri Edi Rama zhvilloi këtë të martë një takim me disa të rinj në Korçë, të cilët kanë zgjedhur vetëpunësimin online.
Kreu i qeverisë u shpreh se të rinjtë shpesh nuk i thonë me zë të lartë shumat që fitojnë, pasi kanë frikë se do të kapen nga Drejtoria e Tatimeve.
Më tej, Rama njoftoi se do të vijojë puna për përpilimin e një projektligji që do të rregullojë pjesën legjislative për ata që fitojnë nga puna online.
“Fitojnë aq sa kanë frikë se i kap drejtoria e Tatimeve të Korçës, nuk kemi ende një legjislacion të rregulluar për ata, po bëjmë ligjin për nomadët digjitalë.”
“Teknologjia të jep mundësinë që pa lëvizur nga vendi, mjafton të kesh një lidhje internet dhe një kompjuter dhe të punosh në gjithë botën. Them për ju që i kapni shpejt, sepse unë me Nikon jemi të djegur në këtë pjesë, nuk ka njeri që na i fut kodimin.”