Situatë emergjence për koronavirusin në Korenë e Veriut. Një rast i dyshuar pozitiv me Covid-19 u raportua për herë të parë nga autoritetet vendase.
Për këtë rast te vetem, qyteti i Kaesong, afër kufirit me Korenë e Jugut, ka hyre ne izolim.
Kim Jong-un ka thirrur per kete një takim të jashtëzakonshëm të Byrosë Politike, duke e cilesuar situatën “kritike” dhe urdhëroi që të vendoset “sistemi anti-Covid-19 në emergjencë maksimale”.
“Izolim total të Kaesong dhe izolim çdo rrethi dhe rajoni nga njëri-tjetri”, urdheroi Jong-un.
Media shtetërore kineze raportoi se Kim e quajti kete një “situatë kritike në të cilën mund të thuhet se virusi i mbrapshtë ka hyrë në vend”.
“Pacienti zero” i Koresë së Veriut thuhet se është kthyer nga Koreja e Jugut.
Një rrethanë që mund të hapte një front të ri krize midis Pyongyang dhe Seul.
Deri më sot, Pyongyang nuk kishte deklaruar kurrë raste me koronavirus, megjithëse zhdukja e Kim nga skena publike në prill për tre javë dhe më pas për periudha të tjera të gjata midis majit dhe qershorit kishin ngritur dyshime se situata e pandemise mund të pershkallezohej ne vend.
Kur Kim u rishfaq më 1 maj para një tubimi popullor, mijëra njerëz mbanin maska; vetëm Kim nuk u fotografua kurrë me maskë.